ინდაური ალუბლით
ინდაური ალუბლის მომჟაო გემოთი. სცადეთ და მოამზადეთ გამორჩეული სადილი.
ინდაური ალუბლის მომჟაო გემოთი. სცადეთ და მოამზადეთ გამორჩეული სადილი.
რეცეპტის ინგრედიენტები
600 გრამი ინდაურის ხორცი
600 გრამი ალუბალი
400 გრამი თეთრი პური
2 ს/კ შაქარი
2 ს/კ ერბო
1 ⁄ 2 ჩ/ჭ ღვინო
2 ცალი კვერცხი
მარილი გემოვნების მიხედვით
რეცეპტის მომზადების საფეხურები
ინდაურის ან ქათმის ხორცი დავბეგვოთ, მოვაყაროთ მარილი, დავასხათ ნახევარი ჩაის ჭიქა მაგარი ღვინის თეთრი ძმარი, დავაწყოთ ერბოწასმულ ტაფაზე და შევწვათ. ალუბალს გამოვაცალოთ კურკები, ჩავყაროთ ქვაბში და მოვხარშოთ თავდახურულ თავისსავე წვენში. როდესაც მოიხარშება, გავატაროთ საცერში.
1/2 ჩაის ჭიქა მისივე კურკა დავნაყოთ, დავასხათ 1 ჩაის ჭიქა წყალი და ვხარშოთ 1 საათს, შემდეგ გავწუროთ და ჩავასხათ ალუბლის წვენ-ფაფაში, დავუმატოთ 2 სუფრის კოვზი შაქარი და კვლავ წამოვადუღოთ.
ამ მასაში ჩავუმატოთ 1 ფურცელი ჟელატინის ნაჭერი, კარგად მოვურიოთ და გავაცივოთ. გაცივებული მკვრივი მასა მომცრო ოთხკუთხედებად დავჭრათ. ამავე დროს თეთრი პურის გული დავჭრათ ოთხკუთხედებად, ჯერ რძეში ამოვავლოთ, შემდეგ ათქვეფილ კვერცხში და შევწვათ ერბოდასხმულ, გაცხელებულ ტაფაზე. ლანგარის შუა ადგილას დავაწყოთ შემწვარი ხორცი, ირგვლივ კი შემოვუწყოთ ალუბლის წითელი და პურის თეთრი ოთხკუთხედები. მიირთვით გემრიელად.
შესაძლოა დაგაინტერესოთ:
კომენტარები
კომენტარი ჯერ არ არის.