ქათმის ფახიტასი
რეცეპტის ინგრედიენტები
900 გრამი ქათმის ფილე
1 ცალი ყვითელი ბულგარული
3 ს/კ ზეითუნის ზეთი
1 ⁄ 2 ჩ/კ დაფქული ჩილი
მწიკვი კაიენის წიწაკა
1 ⁄ 2 ჩ/კ შავი პილპილი
ტორტილა მისართმევად
1 ცალი წითელი ბულგარული წიწაკა
1 თავი ხახვი
1 ს/კ ლიმონის წვენი
1 ჩ/კ დაფქული ძირა
1 ⁄ 2 ჩ/კ მარილი
2 კბილი დაკეპილი ნიორი
რეცეპტის მომზადების საფეხურები
ზოლებად დაჭრილი ქათამი ცელოფნის პარკში (შესაკრავი თავით) მოათავსეთ. მეორე ასეთივე პარკში მოათავსეთ წვრილ ზოლებად დაჭრილი ხახვი და ბულგარული წიწაკა(წითელი, მწვანე ან ყვითელი). ქილაში მოათავსეთ ზეითუნის ზეთი, ლიმონის წვენი, ჩილი, ძირა, კაიენის წიწაკა, მარილი, პილპილი და ნიორი. თავსახური კარგად მოუჭირეთ და შეანჯღრიეთ.
მიღებული ნაზავის 1/3 ნაწილი ქათმის ხორცს მოასხით, 1/3 ნაწილი ბოსტნეულს და ნარჩენილი მესამედი გადაინახეთ. პარკები კარგად შეკარით და მაცივარში სულ მცირე ერთი საათით მოათავსეთ.
როცა შესაწვავად მზად იქნება, საშუალოზე მაღალ ტემპერატურაზე გააცხელეთ დიდი ტაფა. ბოსტნეულის მარინადი პარკიდან ტაფაზე გადმოასხით და თუშეთ დარბილებამდე, დაახლოებით 5 წუთით. ბოსტნეული ტაფიდან თეფშზე გადაიტანეთ და ამავე ტაფაზე ქათმის ხორცი მოათავსეთ. როცა ქათამი შეიწვება, ბოსტნეული ტაფაში ჩააბრუნეთ და დაუმატეთ გადანახული მარინადის მესამედი. გამორთეთ გაზქურა.
მექსიკელები ფახიტასს ტორტილათი (შესაძლებელია ბებოს ლავაშით ჩანაცვლება) მიირთმევენ. თუმცა, ჩვეულებრივ, მის გარეშეც ისეთივე გემრიელია :)
შესაძლოა დაგაინტერესოთ:
კომენტარები
კომენტარი ჯერ არ არის.