მადისაღმძვრელი ჭარხალი ტყემლით
რეცეპტის ინგრედიენტები
ჭარხალი
ხახვი
ნიორი
ქონდარი
ქინძის სუნელი
მომჟავო ჯემი ან მურაბის წვენი
ტყემალი
ცოცხალი ქინძი
ძმარი
უცხო სუნელი
მრილი, პილპილი, წიწაკა
რეცეპტის მომზადების საფეხურები
ჭარხალი კარგად გავრეცხოთ და მოვხარშოთ (ნახარში დაგვჭირდება). როდესაც მოიხარშება, გავფცქვნათ და დავჭრათ ჭარხლის ფიგურული საჭრელით.
ცოტაოდენი ჭარხლის ნახარში ჩავასხათ ემალის ქვაბში, ჩავამატოთ ბლომად ტყემალი, ცოცხალი ქინძი, ცოტა ქონდარი, უცხო სუნელი, ქინძის სუნელი, მარილი, წიწაკა, პილპილი და ცოტაოდენი ძმარი. ასევე ჩავაჭყლიტოთ რამოდენიმე კბილი ნიორი და დავამატოთ ალყა-ალყა დაჭრილი ხახვი. ბოლოს ჩავუმატოთ შინდის ან ალუბლის ჯემი/წვენი. ეს ყველაფერი კარგად გავხსნათ, და გემო გავუსინჯოთ, მოტკბო-მომჯავო გემო უნდა ჰქონდეს.
ბოლოს ჩავაწყოთ მოხარშული ჭარხალი და ამოვურიოთ. გემრიელად მიირთვით!
შესაძლოა დაგაინტერესოთ:
კომენტარები
კომენტარი ჯერ არ არის.