სამარხვო საცივი
წარმოგიდგენთ წიწაკისა და ხახვის სამარხვო საცივის რეცეპტს თქვენი ქართული სადღესასწაულო სუფრისთვის!
წარმოგიდგენთ წიწაკისა და ხახვის სამარხვო საცივის რეცეპტს თქვენი ქართული სადღესასწაულო სუფრისთვის!
რეცეპტის ინგრედიენტები
3 ცალი წითელი ტკბილი წიწაკა
300 გრამი ნიგოზი
1 ⁄ 4 ჩ/კ დაფქული მიხაკი
1 ჩ/კ უცხო სუნელი
1 ჩ/კ ხმელი ქინძი
1 ს/კ ძმარი
ანადუღარი წყალი საჭიროებისამებრ
3 ცალი ხახვი
6 კბილი ნიორი
1 ⁄ 4 ჩ/კ დაფქული დარიჩინი
1 ჩ/კ ყვითელი ყვავილი
1 ჩ/კ ცხარე წითელი წიწაკა
4 ს/კ ზეთი
მარილი გემოვნებით
რეცეპტის მომზადების საფეხურები
მოაცალეთ წიწაკებს თესლი, გაჭერით შუაზე და დაჭერით გრძელ ნაჭრებად. გაარჩიეთ ხახვი და დაჭერით თხელ რგოლებად. მოასხით ზეთი საცხობ ლანგარს, გაანაწილეთ მასზე წიწაკისა და ხახვის ნაჭრები, შედგით ღუმელში და აცხვეთ საშუალო ტემპერატურაზე, დაახლოებით 12 წუთის განმავლობაში.
ამასობაში, ხორცსაკეპ მანქანაში ერთად გაატარეთ ნიგოზი და ნიორი. მოათავსეთ ჯამში და ჩაუმატეთ მიხაკი, დარიჩინი, უცხო სუნელი, ყვითელი ყვავილი, ხმელი ქინძი, წითელი წიწაკა და მარილი. ეს ყველაფერი კარგად შეურიეთ ერთმანეთს. ჩაუმატეთ ძმარი და გაციებული ანადუღარი წყალიც მაშინთვე. მუდმივად ურიეთ და თან უმატეთ წყალი მანამ, სანამ თხელი არაჟნის სისქის მასას არ მიიღებთ.
გადაიტანეთ შემწვარი ხახვი და წიწაკა ტაფაზე, მოასხით ნიგვზიანი მასა, დადგით გაზზე და მიიყვანეთ დუღილამდე. შემდეგ გადმოდგით ცეცხლიდან და გემრიელად მირთმევამდე რამდენიმე საათით გააცივეთ.
უკეთესი არომატისთვის, ნიგვზიანი მასის მომზადებამდე(2) დანაყეთ ნიგოზი, ხელით გამოწურეთ ზეთი და მომზადებულ კერძს ჩაუმატეთ!
შესაძლოა დაგაინტერესოთ:
კომენტარები
კომენტარი ჯერ არ არის.