მოხარშული და შემწვარი ხაჭაპური
გავიხსენოთ ხაჭაპურის მომზადების ერთ–ერთი ძველი მეთოდი :) შეგიძლიათ მიირთვათ მოხარშულიც და შემწვარიც.
გავიხსენოთ ხაჭაპურის მომზადების ერთ–ერთი ძველი მეთოდი :) შეგიძლიათ მიირთვათ მოხარშულიც და შემწვარიც.
რეცეპტის ინგრედიენტები
200 გრამი ხაჭო
50 გრამი კარაქი
230 გრამი ფქვილი
მარილი გემოვნებით
1 ცალი კვერცხი
100 გრამი იმერული ყველი
1 ჩ/კ არაჟანი
რეცეპტის მომზადების საფეხურები
თასში აურიეთ 200 გრ ხაჭო და 1 ცალი კვერცხი.
დაუმატეთ 100 გრ ფქვილი და მარილი (გემოვნებით). კარგად აურიეთ.
დაუმატეთ დაფშვნილი იმერული ყველი, 1 ჩ/კ არაჟანი, 30 გრ კარაქი და კარგად აურიეთ.
შეურიეთ კიდევ 60–70 გრ ფქვილი და მოზილეთ ცომი, შეაზილეთ ფქვილი საჭიროების მიხედვით, უნდა მიიღოთ რბილი ცომი.
ცომისაგან ხელით პატარ–პატარა გუნდები გააკეთეთ და ოდნავ გააბრტყელეთ. ცომი დაახლოებით 10–12 ცალ ხაჭაპურზე გეყოფათ.
ხაჭაპური მარილიან მდუღარე წყალში მოათავსეთ.
დაუწიეთ გაზქურას და ხაჭაპური 5–6 წუთით ხარშეთ.
მიირთვით ცხელი კარაქთან ან არაჟანთან ერთად.
მოხარშვის შემდეგ ხაჭაპური შეგიძლიათ შეწვათ. ტაფაზე მოათავსეთ 20 გრ კარაქი და ცოტაოდენი ზეთი და დაალაგეთ მოხარშული ხაჭაპურები. წვით საშუალო ტემპერატურაზე ორივე მხარეს. მიირთვით ცხელი.
შესაძლოა დაგაინტერესოთ:
კომენტარები
კომენტარი ჯერ არ არის.