გიოძა | იაპონური პელმენი
რეცეპტის ინგრედიენტები
1 ს/კ ქუნჯუთის ზეთი
1 ⁄ 4 ჭიქა დაჭრილი ხახვი
1 ⁄ 4 ჭიქა დაჭრილი სტაფილო
1 ცალი კვერცხი
300 გრამი მზა ბრტყელი ცომის ნაჭრები
1 ⁄ 4 ჭიქა სოიოს სოუსი
2 ჭიქა დაჭრილი კომბოსტო
1 კბილი დაკეპილი ნიორი
250 გრამი ღორის ხორცის ფარში
1 ს/კ მცენარეული ზეთი
1 ⁄ 4 ჭიქა წყალი
2 ს/კ ბრინჯის ძმარი
რეცეპტის მომზადების საფეხურები
გააცხელეთ ქუნჯუთის ზეთი დიდ ტაფაზე, საშუალოზე მაღალ ტემპერატურაზე. დააყარეთ კომბოსტო, ხახვი, ნიორი და სტაფილო. თუშეთ და ურიეთ, სანამ კომბოსტო არ დარბილდება. შეურიეთ ფარში და კვერცხი. განაგრძეთ თუშვა, სანამ ფარში არ შეიბრაწება და კვერცხი არ გამკვრივდება.
გააცხელეთ მცენარეული ზეთი დიდ ტაფაზე, საშუალოზე მაღალ ტემპერატურაზე.
მოათავსეთ დაახლოებით 1 სუფრის კოვზი კომბოსტოსა და ფარშის ნარევი ცომის თითოეული ნაჭრის შუაგულში, შემდეგ ცომი შუაზე გაკეცეთ, რომ ხორცი შიგნით მოექცეს, და სველი თითებით მოუკარით თავი (იმავე ტექნიკით, როგორც ვარენიკებს კრავენ).
ჩააწყვეთ გაცხელებულ მცენარეულ ზეთში და თითო მხარეს წვით დაახლოებით 1 წუთით, სანამ მსუბუქად არ შეიბრაწება. შემდეგ დაახსით წყალი, მოუკელით ტემპერატურას, დააფარეთ და აცადეთ, სანამ წყალი მთლიანად არ დაშრება.
შეურიეთ პატარა თასში სოიოს სოუსი და ბრინჯის ძმარი და გამოიყენეთ, როგორც საწებელი თქვენი გიოძისათვის.
შესაძლოა დაგაინტერესოთ:
კომენტარები
კომენტარი ჯერ არ არის.