ღუმელში გამომცხვარი კალმახი ფორთოხლით
რეცეპტის ინგრედიენტები
საშუალო ან დიდი ზომის კალმახი - 2 ცალი
ფორთოხალი - 2 ცალი
ლიმონი - 1 ცალი
ზეითუნის ზეთი - 4-5 ს/კ
დაფნის ფოთოლი, კამა, როზმარინი, ორეგანო - გემოვნებით
მარილი, პილპილი - გემოვნებით
რეცეპტის მომზადების საფეხურები
კარგად გასუფთავებულ და გარეცხილ კალმახს წაუსვით ზეითუნის ზეთი, მოაყარეთ მარილი და პილპილი (როგორც გარედან, ასევე შიგნიდან). თევზის შუაგულში მოათავსეთ რგოლებად დაჭრილი ფორთოხლის და ლიმონის ნაჭრები. ზემოდან მოაწყვეთ დაფნის ფოთოლი, კამა, როზმარინი და ორეგანო.
კალმახი კარგად შეფუთეთ ფოლგაში და შედგით წინასწარ 180°C გახურებულ ღუმელში 30-35წთ, სანამ თევზი მზად არ იქნება.
გამოიღეთ ღუმელიდან, ოდნავ შეაგრილეთ და მიირთვით თქვენთვის სასურველ გარნირთან ერთად.
შესაძლოა დაგაინტერესოთ:
კომენტარები
კომენტარი ჯერ არ არის.